Kendaraan dan Utang

Mulai banjar ka pagatan....
Singgah satumat ke kintap....
Pina bapingkut di kandaraan....
Kada be sim sampai ditangkap....

Dikira kemarau sekalinya hujan...
Basah baju saawakan...
Kada behelm bakandaraan....
Di tilang polisi di tangah jalan....

Datang banjar baju basah....
Duduk di warung memancuk kanas....
Kada marasa inya tasalah....
Minta damai supaya lapas...

Peringatan gasan kita....
Jangan asal bakandaraan....
Kada tasalah polisi marazia...
Karna kurang perlengkapan.....

Apa lagi wayahini.....
Banyak kakanakn babalapan....
Bakandaraan sasuka hati....
Nangkaya inya yg ampun jalan.....

Rasa muar ulun malihat....
Jaka parak mau ku tawak...
Lintuhut lingsak jadi kunat...
Tasarudup tarampak garubak....

Gara gara balalajuan....
Kisah aku nih pembalap hebat...
Kendaraan haja ampun kuwitan...
Banjual banih pambakal ibat....

Kada kasian kh lawan kuitan...
Bagawi sidin banting tulang....
Gasan anak dimanjaa akan....
Sana sini banyak hutang....

Artikel Terkait