Anak Yang Berbakti

Labuh baras kadalam lasung
Ditutuk disarakai jadi galapung
Babila kita bangun sung-sung
Insya Allah rezeki kada tadahulu burung

Balah kastila di bagi dua
Bijinya banyak kada kahitungan
Hidup kita ngini tabagi dua
Sapalih gasan dunia sapalih nya gasan hari pahitungan

Amal Teman Setia

Handak makan iwaklah haruan
Liurlah pahit makannya sadikit
Wayah nyaman bahurung kawan
Rahatnya sakit surangan maharit

Mencari Bini Nang Bungas Nang Langkar Lagi Bertakwa

Handak jua bisian sepeda mini
Kada kawa manukar tapaksa menyewa
Dapat juakah diri ini mancari bini
Mancari bini yang setia jujur dan taqwa

Siang malam silih berganti
Rintik hujan mambasahi pepohonan
Sekian lama ku pendam rasa ini
Sampai ini kada jua ta'ucapakan

Syair "Syukuri Nikmat"

Dengan bismillaah ulun bagamat.
Menulis syair barang satumat.
Jadi dua tiga kalimat.
Syair berjudul "Syukuri Nikmat."

Lamun nikmat handak dihitung.
Manyambat lapah babuih muntung.
Biar saharian kada pang tuntung.
Baik disyukuri mambawa untung.