Guru : "Anak-anak, apa ngaran binatang nang dimulai huruf G?".
Lakas Utuh badiri manjawab : "Gajah, bu ai!"
Guru :"Bagus, apa ngaran binatang Nang dimulai huruf 'D' ?"
barataan murid tadiam, tapi Utuh pulang badiri manjawab
Guru : "Apa Tuh?"
Utuh :"Dua gajah, Buuuu"
Murid-murid tatawa, guru kasal banar wan kahungangan Utuh.
Guru :"Utuh, kam badiri di buncu sana !Ayo anak-anak kita lanjutkan. Binatang apa nang dimulai lawan huruf "M"?
Tadiaman pulang murid nang lain. Tapi Utuh basuara pulang manjawab : "Mungkin Gajah bu".
Guru :"Utuh, kam kaluar... Badiri di muka lawang!"
Utuh kaluar marista muha. Guru malanjutakan palajaran,
Guru :"tarakhir nah... Anak-anak, binatang apa nang dimulai wan huruf "J"?
Guru manunggui jawaban, tapi barataan muridnya tadiam.
Kada lawas tadangar suara Utuh matan luar kalas : "Jangan-jangan Gajah"
Saking kasalnya, Bu Guru meayuruh Utuh bulik....Akhirnya guru asa nyaman bahinak wan masuk ka kalas pulang.
Guru : "Nah anak-anak, binatang apa nang ngarannya dimulai wan huruf P ?"
Tatap barataan murid tadiam. HP bu Guru babunyi.
Guru : "Ya hallo..."
HP : "Maaf bu ulun Utuh, jawabannya, Pasti Gajah"
Guru siup katulangan HP!!!!
No comments:
Post a Comment