HARI Arba samalam imbah sambahyang subuh, Palui maantar bininya basapida mutur tulak ka pasar pagi. Rancananya handak batatukar gasan kaparluan warung.
"Lakasi umanya kita bulikan, hari sudah mulai tarang, kaina aku talambat tulak bagawi," ujar Palui mambawai bininya bulik matan pasar.
"Hadang hulu abahnya, ulun kada ingat manukar galapung," ujar bininya lalu basinggah ka wadah urang bajual galapung.
"Lajui umanya babuat, kaina kita takana macet," ujar Palui wayah bininya tuntung batatukar.
Sampai di simpang ampat, Palui tapaksa bamandak karna wayah itu lampu habang. Sakalinya datang pulisi baparak.