Gadis Sholehah

Bulik ka daha
Bajalan kaki
Dibalik salat dhuha
Ada keberkahan rezki

Tulak membanjur
Sambil manukui lukah
Dasar bujur kalau bersyukur
Maka betambah berkah

Kembang Melati

Kutahu ada pohon pinang

Pohonnya di higa kartak

Klo ku tahu pian laki orang 

Mulae dulu kada beparak

Kambang melati

Di gantung di atas gulu

Sebalum dikenali

Teliti tarlabih dahulu

Kada Rela Cintaku Diambil Orang

Makan kestela berbagi tamu
Makan duren dengan tetangganya
Semakin lama ku jalani hidup danganmu
Membuat ku semakin takut kehilangannya

Ada kestela di tangah jalan
Kastela masak bagantungan
Lun kada rela di ambil orang
Bila di gasak lun badatang

Malam Pengantin

Maulah gangan bacampur piksin
Gangan asaman iwak haruan
Liwar kahimungan banar sidin
Dimalam pamulaan hari pangantinan

Tangah hari ma'ulah gangan
Nyamannya manyayur duduk dihambin
Uma jantung liwar galudupan 
Amun haratan malam pangantin

Masih Perawan

Banyak anak mencari siput,
Siput sihi di pantai takisung,,,
Amun handak kulit lambat kariput,
Satiap hari minum jamu dong

Berwisata kepinggir pantai,
Pantai takisung di tanah laut,,,
Umay gairnya kaka manjapai,
Hidungnya mancung awak kariput,,

Bini Kedua

urang muda nukar kurma
nukar bingka ulahan nini
kaka kada kawa nerima
karna kaka sudah bebini

piring diandak buati laksa
gangan kaladi campuri jua
ading handak pina mamaksa
hakun lah jadi nang kedua

Anak Pedesaan

Ini kisah kakanakan...
Pangalaman ulun wayah di banjar...
Kasakulah turun bahujan....
Saking handaknya ulun pintar..... (Huhuhuiiii)

Imbah datang kasakulahan...
Baju basah karing di badan...
Halaman sakulah kabanjiran...
Kada balajar malah bamandian.... (Ada kah yang ingat )

Cintaku Yang Terpendam

Tulak ke pasar menukar sagu
Menjarang banyu di atas tungku
Mun handak jua membuka lembran yang baru
Coba pank dulu buka hatimu untukku

Tulak ka pasar manukar sagu
Jarang banyu di atas tungku
Lawas banar aku manunggu
Sampai wayah ini ulun masih manjumblu